2020-07-27 862
لە ڕێگەی خێرای نێوان مێرسین و كرامان لە سنووری مێرسین، پاسێكی تایبەت بە گواستنەوەی سەربازانی توركیا وەرگەڕاوە.
وەزارەتی بەرگریی توركیا گیان لەدەست دانی پێنج سەربازی وڵاتەكە و برینداربوونی ژمارەیێكی دیكەی لە سنووری شاری مێرسین لە كوردستانی تورکیا راگەیاند.
بە گوێرەی راگەیاندراوێكی وەزارەتی بەرگریی توركیا، بەهۆی ڕووداوێكی هاتوچۆ لە ڕێگەی خێرای نێوان مێرسین و كرامان لە سنووری مێرسین، پاسێكی تایبەت بە گواستنەوەی سەربازانی توركیا وەرگەڕاوە، بەهۆیەوە پێنج سەرباز مردوون و ١٠ سەربازی دیكەش بە سەختی بریندار بوون.
باس لەوە دەكرێت كە ئەو ١٠ سەربازەی برینداربوون، برینەكانیان سەختە.