2020-08-28
به‌وته‌ی سەرۆکی رێکخراوی تەندروستیی جیهانیی، به‌هۆی كاریگه‌رییه‌كانی ڤایرۆسی کۆرۆناوه، یەک ملیار کەس له‌جیهاندا توشی نەخۆشیی دەرونی بون.
ئاوێنه: تیدرۆس ئەدهانۆم، سەرۆکی رێکخراوی تەندروستیی جیهانیی له‌كۆنگره‌یه‌كی رۆژنامه‌وانیدا باسی له‌كاریگه‌رییه نه‌رێنییه‌كانی بڵاوبونه‌وه‌ی ڤایرۆسی كۆرۆنا كردو ڕایگه‌یاند، پەتای کۆرۆنا نیگەرانی‌و ترسێكی زۆری لای خەڵک دروستکردووەو دەرونی ملیۆنان کەسی تێکداوە.
وتیشی، بەهۆی کۆرۆناوە تائێستا زیاتر لەیەک ملیار کەس توشی نەخۆشی دەرونی بون، لەکاتێکدا خزمەتگوزارییە تەندروستییەکانی تایبەت بەچارەسەرکردنی نەخۆشییە دەرونییەکان تەنیا بۆ بەشێکی زۆر کەمی خەڵک دابینکراون.
ئەدهانۆم راشیگەیاند، "هۆکاری ئەم بارودۆخە خراپە بەهۆی رێکارە تەندروستییە تەقلیدییەکان بو کە لەلایەن ژمارەیەک زۆر لەوڵاتانی جیهانەوە گیرانەبەر، هەروەها نەبونی متمانەو پێکەوەکارکردنی حکومەتەکان لەگەڵ خەڵک کە بونەهۆی زیاتر ترساندنی خەڵک".