ڤایرۆسی كۆرۆنا سێ هەفتە لەگۆشتی بەستودا دەمێنێتەوە
  2020-09-01       452       
بەپێی لێكۆڵینەوەیەكی نوێ دەركەوتووە ڤایرۆسی كۆرۆنا ماوەیەكی زۆر لەسەر گۆشت و ماسی بەستودا دەژی كە دەگاتە سێ هەفتەو پێدەچێت ئەوەش هۆكاری بڵاوبونەوەی ڤایرۆسەكە بێت لەچەند وڵاتێك كە ماوەیەكی زۆرە حاڵەتی توشبون تۆمارنەكراوە.

رۆژنامەی تەلیگراف بڵاویكردەوە تیمێك لەزانایانی سەنگاپورە ژمارەیەك نمونەی ماسی سەلەمون و مریشك و گۆشتی بەرازی بەستویان وەرگرتووەو نمونەی ڤایرۆسی كۆرۆنایان پێوەكردووەو دواتر هەڵیانگرتووە لەنێوان پلەی 4 سەدی تاوەكو 20 پلەی ژێر سفری سەدی و دوای تێپەڕبونی 21 رۆژ زانایان بۆیان دەركەوت نمونەی ڤایرۆسەكە لەسەر گۆشتە بەستووەكان ماوەتەوە.

هەرچەندە زانایان مشتومڕیانە لەسەر ئەوەی گواستنەوەی ڤایرۆسی كۆرۆنا لەرێگەی خۆراكی پیسبو بەڤایرۆسەكە هۆكاری سەرەكی گواستنەوەی نیە، بەڵام گواستنەوەی خۆراكی پیسبو بۆ شوێنێكی خاڵی لەڤایرۆسەكە دەبێتە هۆی بڵاوبونەوەی.

ئا: كارزان عەبدوڵا
سەرچاوە: ئیلاف
ڕاگەیاندنی تەندروستی سلێمانی

زۆرترین بینراو
© 2020 Awene Online, Inc. All Rights Reserved.
×