بەپێی ئەنجامی سەرەتایی لێكۆڵینەوەیەكی فراوان دەركەوتوە ئەو منداڵانەی ماوەیەكی زۆر لەبەردەم شاشە ئەلیكترۆنیەكان بەسەردەبەن و ئالودە بون بۆ بەكارهێنانی ئامێرە ئەلیكترۆنیەكان گۆڕانكاریی لەمێشك یان رودەدات.
ئاوێنە، راگەیاندنی تەندروستی سلێمانی: پەیمانگای نیشتمانی ئەمریكی بۆ تەندروستی لێكۆڵینەوەیەكی كردوە لەسەر مێشكی 4500 منداڵ كەتەمەنیان لەنێوان 9 و 10 ساڵ بوە بەمەبەستی زانینی كاریگەری یارییە ئەلیكترۆنیەكان و ئەو ماوەیەی لەسەر تۆڕی ئینتەرنێت بەسەری دەبەن، لەسەر گەشەكردنیان.
بەپێی ئەنجامی سەرەتایی لێكۆڵینەوەكە دەركەوتووە مێشكی ئەو منداڵانەی ئالوودەی بەكارهێنانی ئامێری ئەلیكترۆنی بوون رۆژانە بۆماوەی زیاتر لە 7 كاتژمێر ئاراستەیەكی جیاواز نیشان دەدات و توێژاڵی دەرەكی مێشكیان تەنكترە كە ئەو توێژاڵە دەرەكیە زانیاری هەستەكان بۆ مێشك دەگوازێتەوە.