ئارام.. ئه‌فسانه‌یه‌ک دوای 43 ساڵ
  2021-01-30       805       

ئا: ئاوێنە

 

43 ساڵ‌ به‌سه‌ر كوژرانی‌ ئارامدا تێده‌په‌ڕێت، ئه‌و له‌ته‌مه‌نی‌ 31 ساڵیدا شه‌هید كرا، شه‌هیدكردنه‌كه‌ی‌ خه‌رمانه‌یه‌ك له‌پیرۆزیی‌ به‌ده‌وری‌ ئه‌م گه‌نجه‌ چاوكزو لاواز‌و چاویلكه‌ له‌چاوه‌دا چنی‌، له‌ڕۆژگاری‌ خۆیدا گوڕ‌و تینێكی‌ ئه‌فسانه‌یی‌ به‌شۆڕش‌و به‌خه‌بات‌و كۆڵنه‌دان لەدژی داگیرکەرانی بەعس به‌خشی‌.

شاسوار جه‌لال سه‌عید غه‌نی‌ ناسراو به‌"ئارام" ساڵی‌ 1947 له‌سلێمانی‌ له‌دایكبو، ساڵی‌ 1964 له‌كۆلیژی‌ ئه‌ندازیاری‌ زانكۆی‌ به‌غدا وه‌رگیرا، به‌ڵام به‌هۆی‌ چاوكزییه‌وه‌ نه‌یتوانی‌ خوێندنی‌ له‌و كۆلیژه‌ ته‌واو بكات‌و چوه‌ كۆلیژی‌ بازرگانی‌‌و ساڵی‌ 1970 زانكۆ ته‌واو ده‌كات. له‌كاتی‌ لێكنرازانی‌ پارتیدا، ده‌بێته‌ لایه‌نگریی‌ باڵی‌ مه‌كته‌ب سیاسی‌، ساڵی‌ 1970 په‌یوه‌ندی‌ به‌كۆمه‌ڵه‌ی‌ ره‌نجده‌رانه‌وه‌ ده‌كات، پاش یه‌كگرتنه‌وه‌ی‌ هه‌ردو باڵه‌كه‌ی‌ پارتی‌ ده‌كرێته‌ ئه‌ندامی‌ سكرتاریه‌تی‌ یه‌كێتی‌ لاوانی‌ دیموكراتی‌ كوردستان‌و به‌رپرسی‌ به‌غدای‌ یه‌كێتییه‌كه‌. ساڵی‌ 1972 له‌رۆژنامه‌ی‌ هاوكاری‌ كار ده‌كات، ساڵی‌ 1974 ده‌چێته‌ ریزی‌ شۆڕشی‌ ئه‌یلوله‌وه‌و پاش هه‌ره‌سهێنانی‌ ئه‌و شۆڕشه‌، ده‌گه‌ڕێته‌وه‌ بۆ سلێمانی‌‌و زۆر ناخایه‌نێت به‌هۆی‌ جموجۆڵی‌ سیاسیه‌وه‌ بڕیاری‌ ده‌ستگیر كردنی‌ ده‌درێت، له‌كۆتایی‌ 1975ه‌وه‌ ده‌بێته‌ به‌رپرسی‌ كۆمیته‌ی‌ هه‌رێمه‌كان‌و بڕیارده‌ری‌ كۆمه‌ڵه‌ی‌ ره‌نجده‌رانی‌ كوردستان، له‌31/1/1/1978دا شه‌هید ده‌كرێت.


بیرو جیهانبینی‌ ئارام، زاده‌ی‌ رۆژگاری‌ خۆی‌ بو، ده‌كرێت ئێستا ره‌خنه‌ی‌ لێبگیرێ‌و خوێندنه‌وه‌یه‌كی‌ جیاوازی‌ بۆ بكرێت، دوای‌ 37 ساڵ‌ گۆڕانكارییه‌كی‌ گه‌وره‌و ریشه‌یی‌ به‌سه‌ر جیهاندا هاتوه‌، به‌ڵام هێشتا هه‌مو ئه‌مانه‌ش نه‌یانتوانیوه‌ له‌سیحر‌و جادوی ئه‌م پیاوه‌ شۆڕشگێڕه‌ كه‌م بكه‌نه‌وه‌ كه‌ سه‌رده‌مانێك بەهۆی شەهید بونیەوە وه‌ك "پارسا‌و قه‌دیس" سه‌یر ده‌كرا.

زۆرترین بینراو
ڕونكردنه‌وه‌ی‌ پۆلیس له‌باره‌ی‌ ئه‌و سێ كه‌سه‌ی‌ كه‌ لەکەیسی‌ هێرشكردنه‌ سه‌ر غالب محه‌مه‌د ناویان بڵاوبۆته‌وه‌
لاهور شێخ جەنگی: حكومەت داوای ئازادكردنی سێ كەس دەكات كە لەسەر پەلاماردانی دكتۆر غالب دەستگیركراون
لەبارەی ھێرشەکەی داعش لە خانەقین ئاسایش و مه‌حمود سه‌نگاوی‌ لێدوانی‌ دژ به‌یه‌ك ده‌ده‌ن
وەزیری ئاوەدانكردنەوە: هێڵی ئاسنین لە هەرێم بە سێ قۆناغ جێبەجێدەكرێت
لە ھەولێر بە پاساوی کارنەکردنی كامێراكانی چاودێری دۆسێی هێرشكردنە سەر چالاكوانێك راگیرا
عەین عیسا، شەڕ لەنێوان سوپای تورک و هێزەکانی ڕژێمی سوریا ڕوویدا
عه‌بدوڵاى مه‌لا نورى :هاوسه‌رۆكانى یه‌كێتى و ئاسایشى سلێمانى له‌ كه‌یسه‌كه‌ى غالب محه‌مه‌د نقه‌یان له‌خۆیان بڕیوه
نرخی دراوەكان لەكاتی كردنەوەی بازاڕ
کونسوڵی ئەڵمانیا لەگەڵ نوێنەری دەستگیرکراوەکانی بادینان کۆبوەوە
​وه‌زاره‌تی ناوخۆی هەرێم چەند بڕیارێکی نوێی ده‌ركرد
© 2021 Awene Online, Inc. All Rights Reserved.
×