2021-03-09 2975
حکومەتی عێراق به‌بڕی 10 ملیۆن دینار قەرەبوی خێزانی ئەو کارمەندانەی تەندروستی دەکاتەوە کە بەهۆی ڤایرۆسی کۆرۆناوه گیانیان له‌ده‌ست داوه.
ئاوێنه: بەپێی راگەیه‌ندراوێکی وەزارەتی تەندروستی‌و ژینگەی عێراق، لەسەر پێشنیازی د. حەسەن تەمیمی، وەزیری تەندروستی، ئەنجومەنی وەزیرانی عێراق رەزامەندیدا لەسەر خەرجکردنی بڕی 10 ملیۆن دیناری پاداشت بۆ کەسوکاری ئەو کارمەندانەی وەزارەتی تەندروستی کە بەهۆی کۆرۆناوە گیانیان لەدەستداوە، وەک ڕێزو پێزانینێک بۆ هەوڵەکانیان لەپێناو سەلامەتی‌و ئاسایشی تەندروستی عێراق.
پێشترو لەحوزەیرانی ساڵی رابردودا حکومەتی عێراق بڕیاریدا كه ئەو کارمەندانەی تەندروستی کە بەکۆرۆنا دەمرن، بەدوایین موچەیان خانەنشین بکرێن.