2021-06-21
وەزارەتى تەندروستى عێراق بڕیاریدا، بۆ پاراستنى مناڵانى شێرەخۆرە لەپەتاکە، ڤاکسینى دژە کۆرۆنا لەژنانى شیردەریش بدرێت، ئەوەش دواى ئەوەى سەلماوە کە هیچ لێکەوتەیەکى خراپى نابێت.
ئاوێنه: ڕوبا فەلاح، ئەندامى تیمى پزیشکى میدیایى لەوەزارەتى تەندروستى عێراق لەلێدوانێکیدا بەڕۆژنامەى سەباحى فەرمى ڕاگەیاند، وەزارەتەکەیان لەسەر بنەماى ڕاسپاردەکانى لیژنەى زانستى ڕاوێژکارى بۆ کارنامەى پتەوکردنى بەرگرى لەدژى کۆرۆنا بڕیاریداوە ژنانى شیردەریش بەهەموو جۆرە ڤاکسینەکانى دژە کۆرۆنا ئەوەى لەبەردەستتدایە بکوترێن.
ڕوبا ئەوەشى ڕوونکردووەتەوە، بڕیارەکە بەئامانجى ئەوەیە ئەو ژنانە و مناڵەکانیشیان بەرگرى دژە تەنەکان دروست بکەن هەروەها بۆ پاراستنى ئەو مناڵانەى کە شیرى دایک دەخۆن لەو نەخۆشییە.
جەختى لەسەر ئەوەش کردووە، هیچ مەترسیەک یاخود نیشانەیەکى لاوەکى لەسەر مناڵانى شیرەخۆر دروست ناکات ئەگەر دایکەکان پێشتر ڤاکسینى دژە (تا) و (ملەخڕەى ئەڵمانیا)یان لێکوترابێت و هیچ لێکەوتەیەکى مەترسیداریان جێنەهێشتبێت.
ئەوەش خراوەتە ڕوو، بڕیارى ئەوەش دراوە ئەوانەى کە تەمەنییان لەسەرووى 60 ساڵیەوەیە، ڤاکسینى سینۆفارمیان پێ بدرێت.