لیژنەكانی چاودێری تەندروستی سلێمانی بەردەوامن لە بەسەركردنەوە و ئەنجامدانی پشكنین بۆ سەرجەم كارگەكانی خواردن و خواردنەوە لەسنووری پارێزگای سلێمانی، لەو چوارچێوەیەدا لەكارگەیەك لەشەقامی تووی مەلیك دەست بەسەر برێك مەوادی بەسەرچوودا گیرا.
ئاوێنە، راگەیاندنی بەرێوەبەرایەتی تەندروستی سلێمانی: لیژنەكانی چاودێری تەندروستی رایدەگەیەنێت ئەو مەوادانانەی لەو كارگەیەدا دەستی بەسەرداگیرا بریتی بوو لە 23 كیلۆگرام كاكاو و مرەبا و حەشوەی شوكەلاتە لەگەڵ یەك لیتر تامی فستق و رێكاری پێویست بەرامبەر خاوەنەكەی گیرایەبەر.
هاوكات پسپووڵەی سەرپێچی بۆ كارگەیەكی دروستكردنی نانی لوبنانی و گەنجینەی هەڵگرتنی خۆراك كرا بەهۆی پابەندنەبوون بە یاسا و رێنمایی و مەرجە تەندروستیەكان.