2021-10-01 1956
بەرپرسی تیمی روبەڕوبونەوەی کۆرۆنا لەسلێمانی ده‌ڵێت، ژەمی سێیەمی کۆرۆنا بۆ ئەو کەسانەیە کە مەترسی زۆریان لەسەرە بۆ توشبون بەڤایرۆسەکە.
ئاوێنه:
هێرش حەیدەر پزیشکی هەناوی‌و بەرپرسی تیمی روبەڕوبونەوەی کۆرۆنا لەسلێمانی رایگەیاند، بەپێی سەنتەری کۆنترۆڵکردن‌و پاراستنی نەخۆشی ئەمریکی وەرگرتنی ژەمی سێیەمی ڤاکسینی کۆرۆنا دوای شەش مانگ لەژەمی دووەمیان بۆ ئەوانەی مەترسی توشبونیان زۆر پشنیاز دەکرێت.
وتیشی، ژەمی سێیەمی کۆرۆنا بۆ ئەو کەسانەیە کە مەترسی زۆریان لەسەرە بۆ توشبوون بە ڤایرۆسەکە.
ئاماژەی بەوەشداوە، ئەو کەسانەی تەمەنیان ٦٥ ساڵ و بەرەو سەرەوەیەو ئەوانەشی نەخۆشی درێژخایەنی وەکو رەبۆو شەکرەیان هەیەو قەڵەون پێویستە ژەمی سێیەمی کۆرۆنا وەرگرن.
ئەوەشی خستووەتەڕو، پێشنیاز دەکرێت کارمەندانی تەندروستی و مامۆستاو دوکاندارەکانیش ژەمی سێیەمی ڤاکسینەکە وەرگرن، چونکە مەترسی زۆری توشبوونیان لەسەرە.