لەگەرمیان بۆ جاری سێیەم پارچەی ژمارەیەك تاوەری كارەبا دەدزرێن
  2021-10-20       173       

بەڕێوەبەرایەتی گشتی كارەبای گەرمیان ئاشكرایكرد، ئەمڕۆ چوارشەممە، بۆ جاری سێیەم لە ناوچەكە پارچەی ژمارەیەك لە تاوەرەكانی هێڵی 33 كەی ڤی كارەبا لەلایەن كەسانی "نەفس نزمەوە" دزراون.

ئاوێنە: بەڕێوەبەرایەتییەكە،  لە راگەیەندراوێكدا وتویەتی"دوای ئەوەی لەماوەی ڕابردودا لەسنوری هەردو قەزای كەلارو ناحیەی سەنگاو، ژمارەیەك تاوەر دزیان لێكراو مەترسی كەوتنیان كەوتە سەر، ئەمڕۆ چوارشەمە لەلایەن كەسانی نەفس نزمەوە لەسنوری ناحیەی ڕزگاری لەنزیك هەردو گوندی (عەبدوڵا قوت و حاجی عەواد) هەستاون بە لێكردنەوەو دزینی پارچەكانی تاوەرەكانی (١٠٦)، (١٠٧)، (١٠٨)، بەمەش مەترسی كەوتنی ئەو تاوەرانە دەكرێت و لەكاتی كەوتنی هەر یەك لەوتاوەرانەدا چەندین شاروشارۆچكە بێ كارەبا دەبن."

جەختیشی كردۆتەوە كە "بەڕێوبەرایەتی گشتیمان لەڕێگای دادگاوە سكاڵای یاسایی تۆماركردوە بۆ دۆزینەوەی بكەرانی ئەو تاوانەو بەسزاگەیاندنیان."

 

زۆرترین بینراو
© 2021 Awene Online, Inc. All Rights Reserved.
×