ئه‌مریكا له‌باره‌ى هه‌ڵواسینى وێنه‌ى پوتین هۆشداریی به‌ به‌غداد ده‌دات
  2022-03-03       543       


له‌سه‌ر داوای باڵیۆزخانه‌ى ئه‌مریكا له‌ به‌غداد هه‌ڵواسینى وێنه‌ى پوتین له‌ شه‌قام و شوێنه‌ گشتییه‌كانى به‌غداد قه‌ده‌غه‌ ده‌كرێن.

به‌پێی نووسراوێك كه‌ میدیا عێراقییه‌كان بڵاویانكردووه‌ته‌وه‌، هه‌ڵواسینى وێنه‌ى پوتین له‌ شوێنه‌ گشتییه‌كانى به‌غدادى پایته‌خت له‌لایه‌ن هێزه‌ ئه‌منییه‌كانه‌وه‌ قه‌ده‌غه‌كراوه‌، ئه‌ویش دواى ئه‌وه‌ى باڵیۆزخانه‌ى ئه‌مریكا هێزه‌ئه‌منییه‌كانى ئاگاداركردووه‌.

ئاماژه‌یان به‌وه‌شكردووه‌، ئه‌و وێنه‌ى كه‌ شه‌وى ڕابردوو له‌ ناوچه‌ى جادرییه‌ى به‌غداد هه‌ڵواسرابوو، له‌لایه‌ن هێزه‌ ئه‌منییه‌كانه‌وه‌ لابراوه‌، ئه‌ویش دواى ئاگاداركردنه‌وه‌یان له‌لایه‌ن باڵیۆزخانه‌ى ئه‌مریكاوه‌.

هه‌ر به‌پێی نووسراوه‌كه‌ له‌مه‌ودوا هه‌ڵواسینى وێنه‌ى پوتین و هه‌ر دروشمێك كه‌ په‌یوه‌ندیی به‌ شه‌ڕی نێوان ڕوسیا و ئۆكرانیا هه‌بێت قه‌ده‌غه‌ ده‌كرێت.

زۆرترین بینراو
© 2023 Awene Online, Inc. All Rights Reserved.
×