تەندروستی هەولێر: حاڵەتێكی گومانلێكراوی تای خوێنبەربون هەیە
  2022-05-07       340       

د. دلۆڤان محەمەد، بەڕێوەبەری گشتی تەندروستی هەولێر رایگەیاند، حاڵەتێکی گومانلێکراوی تای خوێنبەربون هەیە كە منداڵێكی تەمەن دو ساڵ و نیوە.

ئاوێنە: د. دلۆڤان محەمەد، بەڕێوەبەری گشتی تەندروستی هەولێر، ئەمڕۆ شەممە، بە میدیای پارتی راگەیاند، نەخۆشێک لە هەولێر هەیە گومانی ئەوەی لێدەکرێت توشی تای خوێنبەربون بوبێت.

وتیشی"ئەو کەسەی گومانی لێدەکرێت تای خوێنبەربونی بێت، منداڵێکی تەمەن دو ساڵ و نیوە".

بەڕێوەبەری تەندروستی هەولێر رونیکردەوە: "لە نەخۆشخانەی راپەڕین لەلایەن پزیشکێک گومان لە نەخۆشێک دەکرێت کە توشی تای خوێنبەربون بوبێت، بەڵام ئێمە تیمێکی پسپۆڕمان بەو نەخۆشییەوە هەیە، نمونەی خوێنی لێوەرگیراوە و بۆ دڵنیابون نێردراوە بۆ تاقیگەی گشتی."

زۆرترین بینراو
© 2022 Awene Online, Inc. All Rights Reserved.
×