بەڕێوەبەری ناحیەی ئاغجەلەر لە سنوری قەزای چەمچەماڵ لە پارێزگای سلێمانی رایگەیاند، ئەم بەیانییە فڕۆكەی بێفڕۆكەوان "بۆردومانی بارەگایەكی پەكەكەی کردوە و لە ئۆتۆمبێلێکی داوە و پێنج كەس گیانیان لەدەستداوە."
ئاوێنە: هێمن بەهجەت، بەڕێوەبەری ناحیەی ئاغجەلەر بە روداوی راگەیاند، لەدوای كاژێر 9ی بەیانی ئەمڕۆ شەممە "دو فڕۆكەی بێفڕۆكەوان، بۆردومانی سنوری گوندی توتەقەڵ-یان كردوە‌و بارەگایەكی پەكەكە-یان كردوەتە ئامانج، جگەلەوە فڕۆكەكان لە ئۆتۆمبێلێكی جۆری (تۆیۆتا هایلۆكس)ـیان داوە كە پێنج سەرنشیانیان تێدابوە و هەر چواریان گیانیان لەدەستداوە، بەپێی زانیارییە سەرەتاییەكان دو لەو كەسانە خەڵكی سنورەكەن .
بەڕێوەبەری ناحیەی ئاغجەلەر باسی لەوەشكرد "تەرمی ئەو پێنج كەسە دەبرێتە پزیشکیی دادی بۆ لێكۆڵینەوە و ناسینەوەیان."