ئیمانوێل ماکرۆن سەرۆکی فەرەنسا ڕایگەیاند، فەرەنسا بۆ جیهانی سەلماندووە کە هاوڵاتییانی دەتوانن “لە یەک کاتدا فەرەنسی و موسڵمانیش بن”.
ئاوێنه: ماکرۆن لە سەدەمین ساڵیادی کردنەوەی مزگەوتی گەورەی پاریسدا وتی، “فەرەنسییەکان لە لایەک نین و مسوڵمانەکان لەلایەکی دیکە، دەکرێت هەردووکیان بین لە یەک کاتدا هاوڵاتییانمان دەتوانن فەرەنسیش بن و مسوڵمانیش”.
جەختیکردەوە، کە فەرەنسا بەردەوام دەبێت لە یارمەتیدانی موسڵمانان تاوەکو بە ئازادی ڕێوڕەسمە ئاینییەکانیان ئەنجام بدەن.
بینای ئەم مزگەوتی گەورەی پاریس سەدەیەک لەمەوبەر دروستکراوە و یەکەم بەردی لەوێ دانراوە لە 19ی تشرینی یەکەمی 1922.
ئیمانوێل ماکرۆن تاجە گوڵینەیەکی بۆ رێزلێنان لە گیانی ئەو سەربازە موسڵمانانە دانا کە لە پێناو مزگەوتەکەدا گیانیانلەدەستدا لە فەرەنسا.