سعوودیە رایگەیاند، ژمارەی ئەو کەسانەی کە لە ساڵی ٢٠٢٢دا، عەمرەیان ئەنجامداوە، حەوت ملیۆن کەس بووە.
ئاوێنە: ئاژانسی هەواڵیی فەرمی سعوودیە، راگەیەندراوی وەزارەتی حەج و عەمرەی سعوودیەی لەمبارەیەوە بڵاو کردووەتەوە.
لە راگەیەندراوەکەدا ئاماژە بەوە کراوە، ژمارەی ئەو کەسانەی لە ساڵی رابردوودا، عەمرەیان ئەنجامداوە حەوت ملیۆن کەس بووە، هەروەها چوار ملیۆن کەس بە ڤیزەی عەمرە چوونەتە ئەو وڵاتە (سعوودیە).
بە جەختکردنەوە لەوەی کە وەزارەتی حەج و عەمرە بەردەوامە لە کارکردن بۆ ئاسانکاریکردن بۆ ئەو کەسانەی کە نیازی ئەنجامدانی عەمرەیان هەیە لە راگەیەندراوەکەدا، ئاماژە بەوە کراوە کە ماوەی ڤیزەی عەمرە لە ٣٠ رۆژەوە زیادکراوە بۆ ٩٠ رۆژ.
سعوودیە ئامانجی ئەوەیە تا ساڵی ٢٠٣٠، میوانداری ٣٠ ملیۆن عومرەکار بکات.