سۆران جەمال تاهیر، وتەبێژی یەکێتی رایگهیاند، رۆژی شەممە پارتی دیموكراتی كوردستان و یهكێتی نیشتمانی كوردستان له شاری سلێمانی كۆدهبنهوه.
ئاوێنە: سۆران جەمال تاهیر، وتهبێژی یهكێتی، ئەمڕۆ پێنجشەممە، لە لێدوانێكدا بۆ یەكێك لە میدیاكانی پارتی، ئەوەشی وت، پارتی و یەكێتی له بارهی پرسهكانهوه "بۆچونی جیاواز"یان ههیه، بهڵام گرنگه بهیهكهوه كۆببنهوه بۆ ئهوهی بهرنامهیهك بۆ چارهسهری كێشه و ناكۆكییهكان دابنرێت.
دوێنێش ماڵپەڕی رەسمی پارتی لە زاری عومەر بەکر، بەرپرسی پەیوەندییەکانی بەشی رۆشنبیری و راگەیاندنی حزبەكەوە بڵاویكردەوە، بڕیارە رۆژی شەممە وەفدی پارتی و یەكێتی لە سلێمانی كۆببنەوە.
ناوبراو ئاماژەی بەوەشدا کە وەفدی حزبەكەیان بە سەرۆکایەتی مەحمود محەمەد، ئەندامی دەستەی کارگێڕی مەکتەبی سیاسی و، ئەندامێتی هێمن هەورامی، عەلی حسێن، پشتیوان سادق، ئەندامانی مەکتەبی سیاسی و ئومێد سەباح، ئەندامی کۆمیتەی ناوەندی، دەبێت.
هەر بەپێی قسەی عومەر بەكر، وەفدی یەکێتیش پێکدێت لە قوباد تاڵەبانی، دەرباز کۆسرەت رەسوڵ، ئاسۆ ئەڵمانی، ئەمین بابە شێخ، د. دارا.