"لەكۆبونەوەی ئەمرۆی ئەنجومەنی وەزیران چارەنوسی كەمئەندامان یەكلایی دەكرێتەوە"
  2019-01-14       1445       
سامان حسێن


لێپرسراوی گشتی یەكێتی كەمئەندامانی كوردستان، سامان حسێن رایدەگەیەنێت لەئێستادا ئەو لیژنەیەی پێكهێنراوە بۆ پێداچونەوە بە پشكنینی پزیشكی كەمئەندامان ئەو كەمئەندامانە دەبینن كە هیچ موچەیەكیان نیە، ئەو وتی " لەكۆبونەوەی ئەمرۆی ئەنجومەنی وەزیران چارەنوسی كەمئەندامان یەكلایی دەكرێتەوە".


ئاوێنە: سامان حسێن، لێپرسراوی گشتی یەكێتی كەمئەندامانی كوردستان بە ئاوێنەی راگەیاند چاوەروان دەكرێت لەكۆبونەوەی ئەمرۆی ئەنجومەنی وەزیرانی هەرێمی كوردستان ئەو كتابەی پێشتر د. رێكەوت موحەمەد رەشید، وەزیری تەندروستی حكمەتی هەرێم دەریكردوە‌و دواتر لەوەزارەتی كاروباری كۆمەڵایەتی بو بەبریار پەسەند بكرێت، ئەو وتی "دڵنیاین پەسەندیش دەكرێت چونكە د. رێكەوت پێشتر بەڵێنی بە كەمئەندامان داوە".


راشیدەگەیەنێت ئەگەر ئەمرۆ لەئەنجومەنی وەزیران بریارەكەی تایبەت بە كەمئەندامان پەسەند بكرێت سەرجەمی ئەو كەمئەندامانەی رێژەی كەمئەندامییان لەسەدا 55 بۆ 75 ، رێژەكەیان لەسەر لادەچێت مو موچەكەیان وەردەگرنەوە، وتیشی "سبەینێ‌ سێ‌ شەممە موچەی كەمئەندامان دابەش دەكرێت".

 
زۆرترین بینراو
© 2024 Awene Online, Inc. All Rights Reserved.
×