ئەندامێكی مەکتەبی سیاسی پارتی ده‌ڵێت، بۆ چارەسەرکردنی کێشەکان و ئەنجامدانی هەڵبژاردن، یەکێتی کات دەکوژێت و کۆبونەوە لەگەڵ پارتی ناکات.
ئاوێنه: سەربەست لەزگین، ئەندامی مەکتەبی سیاسی پارتی به‌میدیاكانی حزبه‌كه‌ی وتووه، دەکرێت لەرێگەی سەرۆکایەتی هەرێمی كوردستان کۆبوونەوە بکرێت و پێویستە یەکێتی بەخۆیدا بچێتەوە و پرسەکان بە گرنگ وەربگرێت، چونکە بەرپرسیارێتی مێژوویی لەسەر هەموو لایەنەکانە.
وتیشی، "بۆ چارەسەرکردنی کێشەکان و ئەنجامدانی هەڵبژاردن، یەکێتی کات دەکوژێت و کۆبونەوە لەگەڵ پارتی ناکات".
دوایین کۆبونەوەی پارتی و یه‌كێتی رۆژی 28ـی کانونی دووەم لەشاری سلێمانی بەڕێوەچو، تێیدا پرسی کاراکردنەوەی کۆمسیۆنی هەڵبژاردنەکان تاووتوێکرا، هاوکات پرسی ئەمنی ناوخۆی هەرێمی کوردستان تەوەرێکی دیکەی کۆبوونەوەکە بوو.