جەلال شێخ کەریم، بریکاری پێشوی وەزارەتی ناوخۆی هەرێم لەپشکی یەکێتیی نیشتمانی کوردستان دەڵێت "مەلا بەختیار ئەندامی ئەنجوومەنی باڵای سیاسی یەکێتی رێگر بو لەیەکگرتنەوەی گۆڕانو یەکێتی لەرابردوودا".
ئاوێنە: جەلال شێخ کەریم لەیادی دامەزراندنی یەکێتی نیشتیمانی کوردستاندا، وێنەیەکی ساڵی ٢٠١٦ی ساڵیادی یەکێتی نیشتمانی بڵاوکردەوەو نووسیویەتی "لەیادی ٤١ سالەی دامەزراندنی یەكێتی نیشتمانی كوردستاندا لەپاركی هەواری شار".
لەوێنەکەدا نەوشیروان مستەفا و چەند سەرکردەیەکی یەکێتی پێکەوە دەردەکەون کە دەستی یەکتریان بەرزکردوەتەوە.
جەلال شێخ کەریم لەوەڵامی سەرنجێک لەسەر وێنەکە نوسیویەتی "مەلا بەختیار رێگر بو لەوەی یەکێتی و گۆڕان یەکبگرنەوە".