گۆشتفرۆشییەک بەهۆی ئەوەی گۆشتی بێمۆر و ناتەندروستی فرۆشتووە لەلایەن قائیمقامیەتی سلێمانییەوە داخرا.
لە راگەیەندراوێکدا قائیمقامیەتی سلێمانی بڵاویکردەوە، گۆشتفرۆشی بیلال لە شەقامی 30 مەتریی سلێمانی گۆشتی بێمۆر و ناتەندروستی فرۆشتووە و داخراوە.
بەپێی لیژنەکانی قائیمقامیەتی سلێمانی، لەو گۆشتفرۆشەدا گۆشتی بێمۆر فرۆشراوە بە هاوڵاتییان، لەهەمانکاتدا گۆشتی بێمۆر فرۆشراوە بە چێشتخانەکان، ئەوەش پێچەوانەی رێنماییەکانی تەندروستی و ڤێتێرنەرییە و گۆشتی بێمۆر لە هەر گۆشتفرۆش یان چێشتخانەیەکدا ببینرێت راستەوخۆ دادەخرێت.
ئاماژە بۆ ئەوەشکراوە، رێکاری یاسایی لەگەڵ خاوەنەکەی دەگیرێتەبەر.