زیاتر لە ٥٠ کۆچبەر کە زۆرینەیان کوردی باشووری کوردستانن، بەهۆی لەکارکەوتنی بەلەمەکەیانەوە لە کەناراوەکانی یۆنان گیریان خواردووە.
ئاوێنه: پێشڕەو عەبدوڵا نوێنەری کۆمەڵەی پەنابەرە گەڕاوەکان لە ئەوروپا رایگەیاند:" ماوەی سێ رۆژە زیاتر لە ٥٠ کۆچبەر کە لە تورکیا بەرێکەوتوون بە مەبەستی گەیشتن بە ئیتاڵیا، لە کەناراوەکانی یۆنان گیریان خواردووە".
ئاماژەی بەوەشکرد:" زۆرینەی کۆچبەرەکان هاوڵاتی باشووری کوردستانن و بەرەبەیانی ئەمڕۆ سێشەممە کاتژمێر ٥:٠٠، بەلەمەکەیان لە کەناراوەکانی نافپلیۆن پەکی کەوتووە".
باسیلەوەشکرد:" بەلەمەکە زیاتر لە ١٠ منداڵی تێدایە لەگەڵ شەش ژنیش، لە ئێستاشدا هێزە دەریاییەکان ئاگادارکراونەتەوە و سەرقاڵی رزگارکردنیانن".