نرخی نەوت لە بازاڕەكانی جیهاندا بەرزبونەوەی بەخۆیەوە بینی بەشێوەیەك كە نرخی یەك بەرمیل نەوتی خاوی برێنت گەیشتە نزیكەی 85 دۆلار.
ئاوێنە: بەپێی داتاكانی بازاڕەكانی نەوت، شەوی رابردو لە كاتی داخستنی بازاڕەكاندا نرخی یەك بەرمیل نەوتی خاوی برێنت 68 سەنت بەرزبوەوەو گەیشتە 84 دۆلارو 80 سەنت.
هەروەها نرخی یەك بەرمیل نەوتی خاوی تەكساس 86 سەنت بەرزبوەوەو گەیشتە 81 دۆلارو 25 سەنت.
بەپێی میدیا جیهانییەكان بەرزبونەوەی نرخی نەوت پەیوەندی بە دابەزینی ئاستی بەرهەمهێنانی نەوت هەیە لە ئەمریكا كە رەنگە ببێتە مایەی درێژەكێشانی كەمبونەوەی خستنەڕو تاوەكو كۆتایی ئەمساڵ.