وەزیری وزەو سەرچاوە سروشتییەكانی توركیا كە ئەمڕۆ پێنجشەممە، بە سەردانێك گەیشتە هەولێر، رایگەیاند، ئامانجمانە لەگەڵ حكومەتی هەرێم چەندین پڕۆژە لە بواری وزە لە نەوتەوە بۆ غازی سروشتی جێبەجێ بكەێن.
ئاوێنە: ئاڵپئەرسلان بایرەكتار، وەزیری وزەو سەرچاوە سروشتییەكانی توركیا، لە هەژماری خۆی لە تۆڕی كۆمەڵایەتی ئێكس، وتویەتی "ئێمە ئەمڕۆ لە هەولێرین بۆ گفتوگۆكردن لەسەر پرسە هەنوكەییەكان بەتایبەتی هاریكاری لە بواری وزە."
وەزیری وزەی توركیا وتوشیەتی"ئامانجمانە لەگەڵ حكومەتی هەرێمی كوردستانی عێراق چەندین پڕۆژە جێبەجێ بكەین كە بەشداربن لە دابینكردنی پێداویستییەكانمان لە هەمو بوارەكانی وزە، لە نەوتەوە تا غازی سروشتی."