پارێزگاری کەرکوک دەڵێت، بارودۆخی ئەمنی پارێزگای کەرکوک سەقامگیرە و پێویستیان بە ھێزەکانی پێشمەرگە نییە لە سنووری پارێزگاکەدا.
ئاوێنه: راکان جبوری، پارێزگاری کەرکوک لە چاوپێکەوتنێکدا ئاماژەی بەوەدا، کەرکوک دڵی عێراقە و جگە لەو دروشمە ھیچ دروشمێکی دیکە بۆ پارێزگاکە قبوڵ ناکەن.
ئەوەشی خستەڕوو، بارودۆخی ئەمنی پارێزگای کەرکوک سەقامگیرە و پێویستی بە ھێزەکانی پێشمەرگە نییە، وتیشی، پارێزگای کەرکوک سەرەڕای ئەوەی فرەپێکھاتەیە لەلایەن یەک پێکھاتەوە بەڕێوەدەبرێت، ئەوەش گومانی لەسەر بێلایەنیی و سەربەخۆی پارێزگاکە دروستکردووە.
پارێزگاری کەرکوک راشیگەیاند، تاکو ئێستا ھەندێک لایەنی سیاسی کوردی پێیانوایە کەرکوک لەلایەن ھێزە ئەمنییەکانی حکومەتی فیدراڵەوە داگیرکراوە، ئەوەش دوورە لە راستییەوە.