ئەمڕۆ سێشەممە، جارێكی دیكە بەهای دۆلاری ئەمریكی دابەزی و ئێستا ١٠٠ دۆلاری ئەمریکی بە ١٥٨ هەزار و ٤٠٠ دینار مامەڵەی پێوە دەكرێت، لە کاتێکدا دوێنێ بۆ ١٦٠ هەزار و ٢٥٠ بەرزبووەوە.
دوێنێ بانکی ناوەندی بڕی ٢٣٠ ملیۆن و ٧٤٤ هەزار و ٢٤٤ دۆلاری خستەبازاڕەوە، لەم بڕەش ١٨ ملیۆن و ٦٥٩هەزار و ٨٠٠ دۆلاری بە نەقد بووە، هاوکات ئەمڕۆ بڕی ٢٢٩ ملیۆن و ٦٨٥ هەزار و ٤٥٤ دۆلاری خستەبازاڕەوە، لەم بڕەش ٣٠ ملیۆن و ٢٦٠ هەزاری بە نەقد بووە.
ئەمە لەكاتێكدایە، كە لە چەند ڕۆژی ڕابردوودا بەهای دۆلار گەیشتە ئاستێکی پێوانەی و بە ١٦٧ هەزار دینار مامەڵەی پێوەدەکرا، ماوەی دوو ڕۆژ دەبێت جارێکی دیکە بەهای دۆلار ڕووی لە دابەزین کردووە، حکومەتی عێراقی لەگەڵ بانکی ناوەندی چەندین ڕێوشوێنیان بۆ دابەزینی بەهای دۆلار گرتووەتەبەر.