ئەندامێکی پەرلەمانی عێراق بڵاویکردووەتەوە، کە وەزارەتی دارایی عێراق داوای زانیاری لە هەرێم کردووە بۆ تەوتینی مووچەی فەرمانبەرانی هەرێم.
ئاوێنە: سۆران عومەر، ئەندامی کۆمەڵی دادگەری لە پەرلەمانی عێراق لە پێگەی فەرمی خۆی نوسیویەتی "وەزارەتی دارایی عێراق لەگەڵ لیستی مووچەی مانگی یەک، دوو داواکاری بەفەرمی ئاراستەی حکومەتی هەرێم کردووە".
بەپێی نوسراوەکەی وەزارەتی دارایی بێت، بەغدا داوای زانیاری فەرمانبەرانی بۆ تەوتینی مووچە بەپێی بڕیاری دادگای فیدراڵی کردووە، هەروەها داوای داهاتی نانەوتیشی کردووە.
سۆران عومەر ئاماژەی بەوەشکردووە، کە پابەندیەکانی هەرێم زامنی بەردەوامی مووچەیە بۆ ساڵی ٢٠٢٥.
وتیشی "ئەمە ڕێکەوتنەکەیە و جێی دەستخۆشیە وەک خۆی جێبەجێ بکرێت".
