وەفدی ئیمراڵی دەم پارتی، ئەمڕۆ دوشەممە، سەردانی دورگەی ئیمراڵیان كردو پاش دیدار لەگەڵ عەبدوڵا ئۆجەلان، سەرۆكی زیندانیكراوی پەكەكە، بەرەو ئیستانبوڵ گەڕانەوە.
ئاوێنە: وەفدی ئیمراڵی دەم پارتی پێکهاتبو لە پەروین بوڵدان، پەرلەمانتاری دەم پارتی و فایەق ئۆزگور ئەڕۆل، پارێزەر لە نوسینگەی یاسایی سەدە و پێشنیوەڕۆ لە ئیستانبوڵەوە بەڕێکەوتن بۆ دورگەی ئیمرالی.
بەپێی میدیاكانی توركیا وەفدەكەی پاش دیدار لەگەڵ ئۆجەلان بەرەو ئیستانبوڵ گەڕاونەتەوە.
تائێستا زانیاری لەسەر ناوەڕۆکی دیدارەکە بەدەست نەگەیشتوە، هەروەها نازاندرێت ئاخۆ وەفدەكە چاوی لەگەڵ زیندانییانی دیکەی ئیمراڵی (حامیلی یەڵدرم، وەیسی ئاکتاش، عومەر خەیری کۆنار) كەوتوە یان نا.
ئەوە دیداری چوارەمی وەفدی ئیمراڵی دەم پارتییە لەگەڵ ئۆجەلان، پێشتر لە 28ـی کانونی یەکەمی 2024، 22ـی کانونی دوەمی 2025 و 27ـی شوباتی 2025 دیداریان ئەنجام دابو.