ئەمڕۆ ڤاتیكان ئامادەكارییەكانی دەستپێكرد بۆ هەڵبژاردنی پاپایەكی نوێ بۆ شوێنی پاپا فرانسیس، كە دوێنێ لە تەمەنی ٨٨ ساڵیدا كۆچی دوایی كرد، لویس ساكۆ كاردیناڵی مەسحییەكانی عێراق كاندیدە بۆ بوونە پاپای ڤاتیكان.
ئاوێنە: میدیا جیهانییەكان سەبارەت بە دەستپێكردنی پرۆسەی ئامادەكاری بۆجێگرتنەوەی پاپای ڤاتیكان، بڵاویان كردەوە، ئەمڕۆ ڤاتیكان ئامادەكارییەكانی دەستپێكرد بۆ هەڵبژاردنی پاپایەكی نوێ بۆ شوێنی پاپا فرانسیس، كە دوێنێ لە تەمەنی ٨٨ ساڵیدا كۆچی دوایی كرد.
دەشڵێن، بڕیارە لانیكەم دوو هەفتەی دیكە پرۆسەی دەنگدان دەستپێبكات، بەمەش كاتێكی پێویست دەدات بە كاردیناڵەكان بۆ ئەوەی بگەنە ڕۆما.
جێگای ئاماژەیە، لویس ساكۆ، كاردیناڵی مەسیحییەكانی عێراق كاندیدە بۆ بوونە پاپای ڤاتیاكان، كە لە ئێستادا لویس ساكۆ دانیشتوووی پارێزگای موسڵە لە عێراق.