کەشناسی هەرێم ڕایگەیاند، شەپۆلی خۆڵبارین ناوچەکانی هەرێمی کوردستان دەگرێتەوە و پلەکانی گەرما ڕوو لە بەرزبوونەوە دەکەن.
ئاوێنە: بەپێی ڕاپۆرتی کەشناسی هەرێم، ئەمڕۆ سێشەممە، ئاسمان ساماڵ و پەڵە هەور دەبێت، لە سنوورى پارێزگاى دهۆک و ناوچە سنوورییەکان نیمچە هەور دەبێت، پلەکانی گەرما بەرز دەبێتەوە بەراورد بە تۆمارەکانی دوێنێ.
دەشڵێت: سبەینێ چوارشەممە ئاسمان ساماڵ و پەڵە هەور لە ئێوارە و شەودا ئەگەرى بەرزبوونەوەى تۆزوخۆڵى کەم هەیە بۆ سەر بەشێک لە ناوچە جیاجیاکان. پلەکانی گەرما کەمێک بەرزتر دەبنەوە لە تۆمارکراوەکانی ئەمرۆ.
ئەوەشی وتووە: لە ئەنجامى شەپۆلى خۆڵبارین لە کاتەکانى شەوى چوارشەممە بۆسەر ناوەڕاستى عێراق ئەگەرى هاتنى بەشێک لەم تۆزوخۆڵە هەیه بۆ سەر ناوچەکانی هەرێم.
بەرزترین پلەکانی گەرمای ئەمڕۆی شارەکانی هەرێم:
هەولێر: 39 پلەی سیلیزی
سلێمانی: 37 پلەی سیلیزی
دهۆک: 38 پلەی سیلیزی
کەرکوک: 43 پلەی سیلیزی
زاخۆ: 39 پلەی سیلیزی
هەڵەبجە: 38 پلەی سیلیزی
سۆران: 36 پلەی سیلیزی
حاجی ئۆمەران: 25 پلەی سیلیزی
گەرمیان: 43 پلەی سیلیزی