سەرۆکی هاوپەیمانیی دەوڵەتی یاسا ڕایگەیاند: پەیوەندی نێوان عێراق و هەرێمی کوردستان بە ئاڵۆزیدا تێپەڕیووە، هیچ بناغەیەکی دروست بۆ ئەو پەیوەندییە دانەنراوە، دەشڵێت، دەبێت کێشەی لامەرکەزی و دابەشکردنی سامانەکان چارەسەر بکرێت.
ئاوێنە: نوری مالکی سەرۆکی هاوپەیمانیی دەوڵەتی یاسا لە چاوپێکەوتنكدا لەگەڵ کەناڵی ئافاق لەبارەی پەیوەندییەكانی نێوان هەرێم و بەغدا بەمجۆرە زانیاری خستووەتەڕوو، هەڵبژاردن لە تێگەیشتنە نیشتمانییەکەیدا وێستگەیەکە لە وێستگەکانی یەکگرتن و لێکنزیکبوونەوەی نێوان پێکهاتەکان.
وتیشی: رازی نابین بەهیچ کاندیدێک، کە باوەڕی بە گرنگیی یاسا و پابەندبوون بە یاساوە نەبێت، هەر کەسیش پێشێلی یاسا بکات لای ئێمە جێگای نابێتەوە.
ئاماژەی بەوەشكرد: حکومەت بەرپرسیارە لە لێپرسینەوە لەو کەسانەی پارەی گشتی بە سودی خۆیان و کۆکردنەوەی دەنگ بەکاردەهێنن.
باسی لەوەشكرد: ناکۆکییەکان لەسەر یاسای ئێستای هەڵبژاردن هۆکارێک بوو بۆ پەکخستنی دانیشتنەکانی پەرلەمان.
ئەوەشی خستەڕوو: پەیوەندی نێوان عێراق و هەرێمی کوردستان بە ئاڵۆزیدا تێپەڕیووە، هیچ بناغەیەکی دروست بۆ ئەو پەیوەندییە دانەنراوە.
دەشڵێت، دەبێت کێشەی لامەرکەزی و دابەشکردنی سامانەکان چارەسەر بکرێت.
ئەوەش لەكاتێكدایە، دوێنێ وەزارەتی دارایی عێراق ڕەتیكردەوە لەمەودوا پارەی فەرمانبەرانی هەرێم بنێرێت .