ئومێد خۆشناو پارێزگاری هەولێر بڵاویكردەوە:" بەداخەوە تۆمارێكی دەنگی لە تۆڕە كۆمەڵایەتیەكان بڵاو بۆتەوەو بەنامەی تایبەتیش لە گروپ و نامەكانی واتسئاب بۆیەكتر دەنێرن، لەو تۆمارە دەنگیە باسی شەقامی ١٢٠ مەتری هەولێر دەكرێ، پێتان ڕادەگەینین، ئەو بابەتە دوورە لە ڕاستی و بە هیچ جۆرێ وانییە".
ئاوێنە: پارێزگاری هەولێر ڕاشیگەیاند:" ئەو كارە كەسانی خۆفروشی سەر بە لایەنەكی دیاری كراو بە شێوازی ئەی ئای دروستیان كردوە و وەك ستونی پێنجەم خەریكی خیانەت كردنن وەك پیشەی هەمیشەییان، بێشك لێكۆڵینەوە لەو بابەتانە دەكرێ و بكەرانی ئەو كارە خۆفرۆشیە ڕووبەڕوی سزای توندی یاسایی دەكرێنەوە".
ئەوەشی خستەڕوو:" هاوڵاتیانی خۆشەویست دڵنیا دەكەینەوە، باروودوخەكە تا ئێستا ئاساییە و هیچ مەترسیەك لە سەر هیچ شوێنەكی كوردستان نیەو داوا لە خەڵكی خوشەویست دەكەین تەنیا پشت بە هەواڵی فەرمی و لە كەناڵە فەرمیەكان ببەستن و نە كەونە ژێر كاریگەری ئەم جورە هەواڵە بێ بنەمایانە".