یسرائیل كاتز، وەزیری بەرگریی ئیسرائیل رایگەیاند، لە هێرشێكدا بارەگای سەرەكی "ئاسایشی ناوخۆ"ی ئێرانیان لە تاران وێرانكردوە كە "باڵی سەركوتكاری" رێبەری ئێرانە.
ئاوێنە: یسرائیل كاتز، وەزیری بەرگریی ئیسرائیل، ئێوارەی ئەمڕۆ چوارشەممە، لە تۆڕی كۆمەڵایەتی ئێكس وتی، زریانی لێدان لە تاران بەردەوامە.
وتیشی "فڕۆكە جەنگییەكانی هێزی ئاسمانی ئیسرائیل بارەگای ئاسایشی ناوخۆی رژێمی ئێرانیان وێرانكرد كە باڵی سەركوتكاری رێبەرە دیكتاتۆرەكەی ئێرانە."
پاشنیوەڕۆی ئەمڕۆ چوارشەممە، ئیسرائیل چەند شوێنێكی تارانی پایتەختی ئێرانی بۆردومان كرد، وەزیری بەرگریی ئیسرائیل رەنگە مەبەستی ئەو هێرشەیان بێت كە كراوەتە سەر بارەگای سەرەكی فەرماندەیی پۆلیسی ئێران كە دەكەوێتە نزیك مەیدانی وەنەك لە تاران.