دوای ئەوەی ئەمڕۆ چوارشەممە، هەواڵی ناردنی وەفدێكی ئێرانی بۆ عومان بەمەبەستی دانوستان بڵاوكرایەوە بەڵام وەزیری دەرەوەی ئێران ئەو هەواڵە رەتدەكاتەوە.
ئاوێنە: عەباس عراقچی، وەزیری دەرەوەی ئێران لە لێدوانێكدا بۆ كەناڵی "جزیرە" وتویەتی، هیچ وەفدێكی دانوستانكارمان بۆ عومان نەناردوە.
جەختیشی كردۆتەوە، بە سەرۆكایەتی وەفدی دانوستانكار تارانم جێ نەهێشتوەو ئەو زانیارییانە راست نین.
هاوكات ئیسماعیل بەقایی، وتەبێژی وەزارەتی دەرەوەی ئێران رایگەیاند، ئەو هەواڵانە راست نین كە باس لەوە دەكەن وەفدێكی دانوستانكاری ئێران چونەتە عومان.