سوپای پاسدارانی ئێران رایگەیاند، ئێوارەی ئەمڕۆ چوارشەممە، بۆ یەكەمجار موشەكی "سەجیل"یان بۆ هێرشكردنە سەر ئیسرائیل بەكارهێناوە كە موشەكێكی بالیستییەو نزیكەی دو هەزار كیلۆمەتر دەبڕێت.
ئاوێنە: سوپای پاسدارانی ئێران لە راگەیەندراوێكدا وتی، ئێوارەی ئەمڕۆ چوارشەممە، بۆ یەكەمجار موشەكی جۆری "سەجیل"یان بۆ هێرشكردنە سەر ئیسرائیل بەكارهێناوە.
سوپای پاسداران ئاماژەی بەوەداوە "سەجیل، یەكێكە لە دەقیقترین و بەهێزترین چەكە ستراتیژییەكانی ئێران كە توانای دزەكردن و وێرانكردنی ئامانجە گرنگەكانی دوژمنی هەیە."
بەپێی میدیای ئێران، موشەكی "سەجیل"، موشەكێكی بالیستییەو بە مەودای 2000 كیلۆمەتر دەبڕێت و درێژییەكەی 17،57 مەترو تیرەكەی 1،25 مەتر و كێشی 23 هەزارو 623 كیلۆیەو مەودا هەڵەكردنی لەخوار 10 مەترەوەیە.