دژەتیرۆری كوردستان رایگەیاند، ئێوارەی ئەمڕۆ چوارشەممە، لەنزیك گوندی شێراوا لە سنوری هەولێر، درۆنێكی بۆمبڕێژكراو تێكشكێندراو خرایە خوارەوە.
ئاوێنە: دژەتیرۆری كوردستان، كەمێك لەمەوبەر لە راگەیەندراوێكدا وتی"ئەمڕۆ چوارشەممە 18ی حوزەیرانی 2025، کاتژمێر 18:43، لە نزیک گوندی شێراوا درۆنێکی بۆمبڕێژکراو تێکشکێندرا و خرایە خوارەوە."
ئاماژەی بەوەشداوە، كردەكە "خۆشبەختانە هیچ زیانێکی ماددی و گیانیی لێ نەکەوتەوە."
دژەتیرۆری كوردستان ئاماژەی بەوە نەداوە درۆنەكە سەر بە كوێ بوەو چ لایەنێك خستویەتییە خوارەوە.