ئاژانسی رۆیتەزر، لەزاری سەرچاوەیەكی دیپلۆماسی ئەڵمانییەوە بڵاویكردۆتەوە، وەزیرانی دەرەوەی بەریتانیا، فەرەنساو ئەڵمانیا لە جنێڤ لەگەڵ وەزیری دەرەوەی ئێران كۆدەبنەوەو دانوستان لەبارەی بەرنامە ئەتۆمییەكەی تاران دەكەن.
ئاوێنە: ئاژانسی رۆیتەرز، ئەمڕۆ چوارشەممە، لە زاری سەرچاوەیەكی دیپلۆماسی ئەڵمانییەوە بڵاویكردۆتەوە، رۆژی هەینی وەزیرانی دەرەوەی بەریتانیا، ئەڵمانیاو فەرەنسا لە جنێڤ لەگەڵ وەزیری دەرەوەی ئێران كۆدەبنەوەو دانوستان لەبارەی بەرنامە ئەتۆمییەكەی ئێران دەكەن.
سەرچاوەكە وتوشیەتی، وەزیرانی ئەو سێ وڵاتە ئەوروپییە پێشتر لەگەڵ كایا كالاس، بەرپرسی سیاسەتی دەرەوەی یەكێتی ئەوروپا لە كونسوڵخانەی ئەڵمانیا لە جنێڤ كۆدەبنەوەو پاشان لەگەڵ عەباس عراقچی، وەزیری دەرەوەی ئێران كۆبونەوەیەكی هاوبەشیان دەبێت.
بەقسەی رۆیتەرز، كۆبونەوەكە بە "رەزامەندیی" ویلایەتە یەكگرتوەكانی ئەمریكا ئەنجام دەدرێت.