وتەبێژی سەرۆكایەتی روسیا رایگەیاند، مۆسكۆ كاردانەوەی نەرێنی دەبێت لە ئەگەری كوشتنی عەلی خامنەیی، رێبەری باڵای ئێراندا.
ئاوێنە: دیمیتری پیسكۆف، وتەبێژی كۆشكی سەرۆكایەتی روسیا(كرملین) لە چاوپێكەتنێكدا لەگەڵ سكای نیوز رایگەیاند، تەنانەت قسەكردنیش لەسەر كوشتنی خامنەیی قبوڵكراو نییە.
جەختیشی كردەوە كە كاردانەوەی مۆسكۆ بەرامبەر كوشتنی خامنەیی "زۆر نەرێنی" دەبێت و روسیا كردەوەیەكی لەو جۆرە قبوڵ ناكات، چونكە هەنگاوی وا بەرەو نادیار سەردەكێشێت.
هەروەها لەبارەی ئەو هەواڵانەشەوە كە باس لە ئەگەری بەكارهێنانی چەكی ئەتۆمی تەكتیكی دەكەن لەلایەن ئەمریكاوە لە دژی ئێران، رایگەیاند، ئەو هەواڵانە تەنیا مەزەندەن و وتیشی، پێشهاتێكی لەو جۆرە، كارەساتبار دەبێت.