لیندسی گراهام، سیناتۆری کۆمارییەکان، داوای "گۆڕینی ڕێباز"ی ویلایەتە یەکگرتووەکانی کرد لە مامەڵەکردن لەگەڵ ئێراندا و ڕایگەیاند کە پڕۆژەی "ئازادی پڵەس" لە بارودۆخی ئێستادا "بژاردەیەکی زۆر گونجاو" دیارە.
ئاوێنە: ئەم لێدوانانە دوای وەڵامی ئەم دواییەی ئێران بۆ پێشنیازەکەی ئەمریکا هات، کە لیندسی گراهام بە "قبووڵنەکراو" وەسفی کرد.
زاراوەی "پڕۆژەی ئازادی" ئاماژەیە بۆ ئەو ئۆپەراسیۆنەی کە هەفتەی ڕابردوو دۆناڵد ترەمپ بۆ یارمەتیدانی "ئازادکردن"ی ئەو کەشتییانەی لە گەرووی هورمز گیریان خواردبوو دەستی پێکرد، بەڵام نزیکەی ٤٨ کاتژمێر دواتر ترەمپ ڕایگەیاند کە ئۆپەراسیۆنەکە بە مەبەستی ڕەخساندنی دەرفەت بۆ دیپلۆماسی ڕاگیراوە.
گراهام گوتی کە سوپاسی "هەوڵە جدییەکان"ی دۆناڵد ترەمپ، سەرۆکی ئەمریکا دەکات بۆ گەیشتن بە چارەسەرێکی دیپلۆماسی بە ئامانجی گۆڕینی ڕەفتاری "ڕژێمی تیرۆریستیی ئێران"، بەڵام جەختی لەوە کردەوە کە بەردەوامیی هێرشەکان بۆ سەر کەشتیوانیی نێودەوڵەتی و هێرشکردنە سەر هاوپەیمانانی واشنتۆن لە ڕۆژهەڵاتی ناوەڕاست، لەگەڵ وەڵامەکەی ئێران کە بە "تەواوەتی قبووڵنەکراو" ناوی برد، پێویستی بە پێداچوونەوەیە بە ڕێبازی ئێستادا.
ئەو گوتیشی: "لە بارودۆخێکی وەهادا، لە ئێستادا پڕۆژەی ئازادی پڵەس بژاردەیەکی زۆر دروست و گونجاو دیارە."