بافڵ تاڵهبانی، سهرۆكی یهكێتی، له ساڵیادی دامهزراندنی حزبهكهیاندا رایدهگهیهنێت، بەتوندی سەرکۆنەی ئەو هێرشە نوێیانە دەکەن کە کراونەتە سەر هەرێمی کوردستان. دهشڵێت، لە هەنگاوەکانی داهاتوماندا، یەکڕیزیی عێراق و گەشەسەندنی هەرێمی کوردستان وەک دو کۆڵەکەی سەرەکی بۆ سەرکەوتنی وڵاتەکەمان دەمێننەوە.
ئاوێنه: بافڵ تاڵهبانی، سهرۆكی یهكێتی، ئێوارهی ئهمڕۆ دوشهممه، پهیامێكی به بۆنهی ساڵیادی دامەزراندنی حزبهكهیانهوه بڵاوكردهوه.
سهرۆكی یهكێتی وتویهتی"لەم دۆخە سەختە ئابوری و ناسەقامگیرییە هەرێمییەی کە خەڵکەکەمانی تێدایە، ئەوە دوپات دەکەینەوە کە لەگەڵ کۆمەڵانی خەڵکی خۆماندا هاوپشت و هاوسەنگەرین."
ههروهها وتوشیهتی"لە هەنگاوەکانی داهاتوماندا، یەکڕیزیی عێراق و گەشەسەندنی هەرێمی کوردستان وەک دو کۆڵەکەی سەرەکی بۆ سەرکەوتنی وڵاتەکەمان دەمێننەوە. لەپێناو ئەمەشدا، لەگەڵ هاوپەیمان و دۆستەکانمان لە عیراق و سەرانسەری جیهان هەوڵەکانمان چڕتر دەکەینەوە."
بافڵ تاڵهبانی جهختیشی كردۆتهوه "بەتوندی سەرکۆنەی ئەو هێرشە نوێیانە دەکەین کە کراونەتە سەر هەرێمی کوردستان. کردەوەی لەم جۆرە هەڕەشە لە سەلامەتی و سەقامگیریی خەڵکەکەمان دەکات و هەوڵەکان بۆ بونیادنانی داهاتویەکی ئارام و خۆشگوزەران بۆ هەمو عیراقییەکان تێکدەدەن."
هێمای بۆ ئهوهش كردوه "بۆ بەدەستهێنانی سەقامگیرییەکی بەردەوام، دەبێت بەجددی کار بکەین بۆ چاککردنەوە و بونیادنانی پەیوەندیی هاوسەنگ لەگەڵ وڵاتانی دراوسێدا، لە هەمان کاتدا دڵنیاببینەوە لەوەی کە عیراق بە سەربەخۆیی و سەروەریی خۆیەوە دەمێنێتەوە."
دهقی پهیامهكه:
لە ساڵیادی دامەزراندنی یەکێتیی نیشتمانیی کوردستاندا، لەم دۆخە سەختە ئابوری و ناسەقامگیرییە هەرێمییەی کە خەڵکەکەمانی تێدایە، ئەوە دوپات دەکەینەوە کە لەگەڵ کۆمەڵانی خەڵکی خۆماندا هاوپشت و هاوسەنگەرین.
دەمەوێت لە ناخی دڵمەوە سوپاسی کۆمەڵانی خەڵکی خۆمان بکەم بۆ ئارامگرتن و خۆڕاگرییان و دڵنیایان دەکەینەوە کە لەسەر هەوڵە بێوچانەکانمان بەردەوام دەبین بۆ خزمەتکردن و پاراستنیان. لە هەنگاوەکانی داهاتوماندا، یەکڕیزیی عێراق و گەشەسەندنی هەرێمی کوردستان وەک دو کۆڵەکەی سەرەکی بۆ سەرکەوتنی وڵاتەکەمان دەمێننەوە. لەپێناو ئەمەشدا، لەگەڵ هاوپەیمان و دۆستەکانمان لە عێراق و سەرانسەری جیهان هەوڵەکانمان چڕتر دەکەینەوە.
هەروەها بەتوندی سەرکۆنەی ئەو هێرشە نوێیانە دەکەین کە کراونەتە سەر هەرێمی کوردستان. کردەوەی لەم جۆرە هەڕەشە لە سەلامەتی و سەقامگیریی خەڵکەکەمان دەکات و هەوڵەکان بۆ بونیادنانی داهاتویەکی ئارام و خۆشگوزەران بۆ هەمو عێراقییەکان تێکدەدەن.
لەم یادەدا، رێز لە میراتی بەردەوامی سەرۆک جەلال تاڵەبانی دەگرین، کە دیدگای بۆ پێکەوەژیان، دیالۆگ، دیموکراسی و هاوبەشیی نیشتمانی بەردەوام رێنیشاندەری رێگەکەمانە.
بۆ بەدەستهێنانی سەقامگیرییەکی بەردەوام، دەبێت بە جددی کار بکەین بۆ چاککردنەوە و بونیادنانی پەیوەندیی هاوسەنگ لەگەڵ وڵاتانی دراوسێدا، لە هەمان کاتدا دڵنیاببینەوە لەوەی کە عێراق بە سەربەخۆیی و سەروەریی خۆیەوە دەمێنێتەوە.
لە کۆتاییدا، یەکێتیی نیشتمانیی کوردستان بەڵێنە نەگۆڕەکەی دوپات دەکاتەوە، بۆ خەباتکردن لەپێناو تەواوی مافەکانی گەلی کورد لە هەمو شوێنێک، شانبەشانی خوشک و برا سەربەرزەکانمان لە عیراق.
هەر شاد و سەرکەوتوبن
بافڵ جەلال تاڵەبانی
سەرۆکی یەکێتیی نیشتمانیی کوردستان