مه‌حمود محه‌مه‌د، وته‌بێژی پارتی رایگه‌یاند، به‌منزیكانه وه‌فدی پارتی و یه‌كێتی كۆده‌بنه‌وه بۆ گفتوگۆكردن له‌باره‌ی ئه‌و چه‌قبه‌ستوییه‌ی كه له پڕۆسه‌ی سیاسی له هه‌رێمی كوردستان هه‌یه.
ئاوێنه: مەحمود محەمەد، وتەبێژی پارتی دیموکراتی کوردستان، ئه‌مڕۆ شه‌ممه، له لێدوانێكدا بۆ رۆژنامه‌نوسان وتی، پێویستە لە زوترین کاتدا پەرلەمانی کوردستان کارا بکرێتەوە و هەنگاوەکان بۆ پێکهێنانی کابینەی دەیەمی حکومەتی هەرێمی کوردستان دەستپێبکەن.
وتیشی، پەیوەندی بەردەواممان هەیە و هاتوچۆی بەردەوامی نێوان پارتی و یەكێتی هەیە.
ئاشكراشیكرد، به‌منزیكانه وه‌فدی پارتی و یەکێتی کۆدەبنەوە، ئاماژەی بەوەش کرد، "کۆبونەوەی لوتکە" لە نێوان سەرکردایەتی هەردولا پاش کۆبوونەوەی وەفدی هەردوو حزب ئەنجام دەدرێت.