بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان لە ڕاگەیەندراوێکی فەرمیدا، نوێترین پێشبینییەکانی خۆی بۆ بارودۆخی کەشوهەوای ئەمڕۆ یەکشەممە بڵاوکردەوە و تێیدا ئاماژەی بە گۆڕانکارییەکانی تایبەت بە پلەکانی گەرما و جووڵەی با کردووە.
ئاوێنە: بەپێی زانیارییەکانی نێو ڕاگەیەندراوەکە، بە گشتی لە سەرجەم ناوچەکان ئاسمان ساماڵ دەبێت و هاوکات پلەکانی گەرما نیشاندەری بەرزبوونەوەن. سەبارەت بە بارودۆخی با، کەشناسی ڕوونی کردووەتەوە کە خێرایی با لە سەرانسەری هەرێمدا مامناوەند دەبێت و بە شێوەیەک لە نێوان ١٠ بۆ ١٥ کیلۆمەتر لە کاتژمێرێکدا جێگیر دەبێت، لەگەڵ ئەوەشدا مەودای بینین بۆ ئەمڕۆ لە نێوان ٨ بۆ ١٠ کیلۆمەتردا دەبێت.
لە بەشێکی دیکەی ڕاگەیەندراوەکەدا، پێشبینیی بەرزترین پلەکانی گەرمای شار و ناوچە جیاجیاکانی هەرێمی کوردستان بەم شێوەیەی خوارەوە بە پلەی سیلیزی دەستنیشان کراوە:
هەولێر: ٤٠ پلەی سیلیزی
سلێمانی: ٣٨ پلەی سیلیزی
دهۆک: ٣٩ پلەی سیلیزی
زاخۆ: ٤٠ پلەی سیلیزی
پیرمام: ٣٨ پلەی سیلیزی
چەمچەماڵ: ٤١ پلەی سیلیزی