سهڵاحهدین بههادین، ئهمینداری گشتی یهكگرتوی ئیسلامی و كونسوڵی توركیا له ههرێم رایدهگهیهنن كه پێویسته لایهنه پهیوهندیدارهكان بیر له رێگاچارهی خێراو گونجاو بكهنهوه بۆ كاراكردنی پهرلهمانی كوردستان و پێكهێنانی حكومهت.
ئاوێنه: بهپێی راگهیهندراوێكی نوسینگهكهی، ئهمڕۆ پێنجشهممه، سهڵاحهدین بههادین، ئەمینداری گشتی یەكگرتوی ئیسلامی كوردستان، پێشوازیكردوه لە ئێرمان تۆپچو، كونسوڵی توركیا لە هەرێمی كوردستان.
لە کۆبونەوەکەدا، دۆخی گشتی هەرێمی کوردستان و عێراق و ئاڵۆزیەیكانی ناوچەكە گفتوگۆیان لە بارەوه كراوه.
وهك له راگهیهندراوهكهدا هاتوه، لە تەوەرێكدا پرسی دەستپێشخەری و ئەو هەنگاوانەی ئەمینداری گشتی یەكگرتو بۆ چارەسەركردنی ئاڵۆزی و گرفتەكانی بەردەم كاراكردنی پەرلەمانی كوردستان و دواكەوتنی پێكهێنانی حكومەتی هەرێمی كوردستان تیشكی خراوهتهسەر.
بهپێی راگهیهندراوهكه "هەردولا بەپێویست و گرنگیان زانی کە لایەنە پەیوەندیدارەکان خەمخۆرانە بیر لە رێگاچارەی خێراو گونجاو بکەنەوە بۆ چارەسەرکردنی کێشەکانی بەردەم ئەم پرسە."