نوێنەرێکی مامۆستایانی گرێبەست رایگەیاند، هەرێم دەبێت سێ مانگ چاوەڕیی داهاتی گومرگی بکات ئەوکاتەیە مووچەی مامۆستایانی گرێبەست بدات، هەربۆیە هێشتا وەزارەت سەرقاڵی کۆکردنەوەی پارەیە.
ئاوێنە: مامۆستایەکی گرێبەست کە پێی باشبوو ناوی ئاشکرا نەکرێت و نوێنەری گشتی مامۆستایانی یەکێک لە پارێزگاکانی هەرێمە بە ئاوێنەی وت "لەوکاتەوەی حکومەتی هەرێم مووچەی بە مەقاسە بۆ دێت، هەرێم پارەی مامۆستایانی گرێبەست لە داهاتی ناوخۆ دەدات".
بەوتەی ئەو نوێنەرە، بۆ دابینکردنی مووچەی مامۆستایانی گرێبەست دەبێت سێ مانگ چاوەڕوانی داهاتی گومرگی بکات.
دەربارەی ئەوەی چەندێکە مامۆستایانی گرێبەست مووچەیان دواکەوتووە؟ ئەو ئاشکرایکرد "بەهۆی کۆکردنەوەی پارە، یەک مانگی تەواو مووچەی گرێبەستەکان دوادەکەوێت".
ئەو حاڵەتێکی لەناکاوی راگەیاند و دەڵێت "ئەگەر دواکەوتنی مووچەکانیان بەوجۆرەیە بەردەوام بێت، کێشە بۆ پەروەردیە ساڵی داهاتوو دروست دەبێت، مەترسی بایکۆت و ناڕەزایەتی دووبارە سەرهەڵدەداتەوە".