وەزارەتی دارایی عێراق لیستی مووچەی مانگی ئابی مووچەخۆرانی هەرێمی کوردستانی پەسەند کرد.
ئاوێنە: دوێنێش وەزارەتی دارایی عێراق دەستی بە دابەشکردنی مووچەی فەرمانبەرانی عیراقی کرد و چاوەڕوان دەکرێت مانگی داهاتوو مووچەی هەرێمی کوردستانیش بنێردرێت.
ڕۆژی یەکشەممە، وەزارەتی دارایی هەرێمی کوردستان ڕایگەیاند، تیمی تەکنیکی وەزارەتەکەیان بە فەرمی لیستی مووچەی مانگی ئابی فەرمانبەران و مووچەخۆرانی هەرێمی کوردستانی ڕادەستی فەرمانگەی ژمێریاری لە وەزارەتی دارایی حکومەتی فیدراڵ کرد.
ئەوەشی خستەڕوو کە هەر هەمان ڕۆژ ڕاپۆرتی تەرازووی پێداچوونەوەی دارایی تایبەت بە خەرجی و داهاتەکانی (مانگی تەمووزی ٢٠٢٦) ڕادەستی لایەنی پەیوەندیدار لە وەزارەتی دارایی عێراق کراوە، بە ئامانجی وردبینیکردن و خێراکردنی پڕۆسەی دابینکردنی شایستە داراییەکانی مووچەخۆرانی هەرێمی کوردستان.