بەڕێوەبەرایەتی بازرگانی کەلوپەلی خۆراکی سلێمانی ئاگادارییەکی ئاڕاستەی بریکارەکانی دابەشکردنی خۆراک لە ناوشار و دەرەوەی شار کردەوە سەبارەت بە دابەشکردنی بەشەخۆراکی سەبەتەی پێنجەم.
ئاوێنە: بەپێی ئاگادارییەکە، ماددەکانی بەشەخۆراکی دیاریکراو بۆ بنکەکانی (261 تا 292) لە ناوشار و دەرەوەی شار بەم شێوازەی خوارەوە دەبێت:
برنج: 3 کیلوگرام
شەکر: 1 کیلوگرام
زەیت: 1 لیتر
نیسک: 500 گرام
لەتکە نوک: 500 گرام
دۆشاوی تەماتە: 400 گرام
هاوکات بەڕێوەبەرایەتیی خۆراک و بازرگانی سلێمانی هۆشداریشی داوەتە سەرجەم بریکارەکان کە لە کاتی وەرگرتن و دابەشکردنی خۆراکدا بە وردی چاودێری جۆری ماددەکان بڪەن.
جەخت لەوەش کراوەتەوە کە هەرماددەیەک تێکچوو بێت یان بەکەڵکی خواردن نەهاتبێت، نابێت بەسەر هاووڵاتییاندا دابەش بکرێت، بەڵکو دەبێت لە ماوەی سێ ڕۆژدا لایەنە پەیوەندیدارەکان و کۆمپانیای خۆراک ئاگادار بكرێنەوە تا بۆیان بگۆڕدرێت.