میدیای پارتی لەزاری دوو سەرچاوەوە ئاشکرایکردووە کە وەزیری دارایی عێراق واژۆی لەسەر مووچەی مانگی ئابی مووچەخۆرانی هەرێم کردووە و وابڕیارە لە چەند ڕۆژی داهاتوودا ڕەوانە بکرێت.
ئاوێنە: بەگوێرەی سەرچاوەیەک لە وەزارەتی دارایی و ئابووری هەرێمی کوردستان، وردبینی لە لیستی مووچەی مووچەخۆران هەرێمی کوردستان تەواو بووە و وابڕیارە لە چەند ڕۆژی داهاتوو پارەی مووچەی مانگی هەشت ڕەوانە بکرێت، بەڵام هێشتا ڕۆژی ناردنی مووچە دیاری نەکراوە.
سەرچاوەیەکی دیکە لە ئەنجوومەنی وەزیرانی عێراق رایگەیاند "پێنجشەممەی ڕابردوو، وەزیری دارایی عێراق واژووی لەسەر ناردنی مووچەی مانگی هەشتی مووچەخۆرانی هەرێمی كوردستان كردووە، لە چەند ڕۆژی داهاتوو لە بەغداوە پارەكە دەنێردرێت".