شاندنی حکومەتی ههرێم لەبارەی بودجەی ٢٠٢٧ و جێگیکردنی مووچە لەگەڵ پارتی دیموکراتی کوردستان کۆبوونەوە و تیایدا جهختیان كردهوه لهسهر جێگیركردنی مووچە "بێ دواخستن".
ئاوێنە: بەپێی ڕاگەیەندراوێک لە شاندی دانوستانکاری حکومەتی هەرێمی کوردستانەوە، ئەمڕۆ، ١٢ی ئەیلوولی٢٠٢٦، لە چوارچێوەی بەشداریی حکومەتی هەرێمی کوردستان لە ئامادەکارییەکان بۆ گەڵاڵەکردنی ڕەشنووسی پڕۆژەیاسای بودجەی فیدڕاڵی عێراق بۆ ساڵی دارایی ٢٠٢٧، شاندی دانوستانکاری حکومەتی هەرێمی کوردستان کۆبوونەوەیەکی لەگەڵ فراکسیۆنی پارتی دیموکراتی کوردستان لە ئەنجومەنی نوێنەرانی عێراق ئەنجامدا.
لە کۆبوونەوەکەدا، شاندی دانوستانکار ئەنجامی کۆبوونەوە و گفتوگۆکانی ئەم دواییەی خۆی لە بەغدا لەگەڵ وەزارەتەکانی دارایی، پلاندانان و نەوتی فیدڕاڵ خستەڕوو، هەروەها تێڕوانین و پێشنیارە سەرەکییەکانی حکومەتی هەرێم سەبارەت بە بودجەی ساڵی ٢٠٢٧ تاوتوێ کران.
هەروەها لە کۆبوونەوەکەدا جەخت لەسەر جێگیرکردنی ماف و شایستە دەستووری و داراییەکانی هەرێمی کوردستان کرایەوە، بە تایبەتی دابینکردنی مووچە و شایستە داراییەکانی مووچەخۆرانی هەرێم بە شێوەیەکی بەردەوام و بێ دواخستن و دوورخستنەوەی پرسی مووچە لە ناکۆکییە دارایی و سیاسییەکان.
جگە لەوەش، جەختیشکرایەوە لەسەر بایەخی هاوئاهەنگی لە تەواوی قۆناغەکانی ئامادەکردن و پەسەندکردنی پڕۆژەیاسای بودجەدا. سەرەڕای گرنگی بەردەوامی گفتوگۆ و هاوئاهەنگی لەگەڵ سەرجەم فراکسیۆن و نوێنەرانی کوردستان لە ئەنجومەنی نوێنەرانی عێراق بە بێ جیاوازی کرایەوە، بۆ دروستکردنی تێگەیشتن و هەڵوێستێکی یەکگرتوو لەپێناوی پاراستنی ماف و شایستەکانی خەڵکی هەرێمی کوردستان لە بودجەی فیدڕاڵی ٢٠٢٧دا.