مەڵبەندی هەولێری یەکێتی ڕایگەیاند دەستگیرکردنی هونەرمەندی میللی، نوری گەرمیانی کەیسێکی تەواو یاساییە.
ئاوێنە: ئەمڕۆ سێشەممە، مەڵبەندی هەولێری یەکێتی ڕایگەیاند، “سەبارەت بە هەواڵی دەستگیرکردنی هونەرمەندی میللی نوری گەرمیانی وێڕای جەختکردنەوەمان لەسەر سەروەریی یاسا و ڕێزگرتن لە رێکارە یاساییەکان، بەپەرۆشەوە بەدواداچوونمان بۆ ئەم کەیسە کردووە و کەیسێکی تەواو یاساییە و بەدەرە لە کاری سیاسی”.
مەڵبەندی هەولێری یەکێتی دەڵێت: “داواکارین لە لایەنە پەیوەندیدارەکان و دادگای بەڕێز ڕەچاوی پێگە و تەمەنی ناوبراو بکات، کار ئاسانی و ڕێکارە یاساییەکان لە پێناو پاراستنی سەلامەتیی گیانی ناوبراو بگیرێتە بەر تا کۆتاییهاتنی قۆناغەکانی لێکۆڵینەوە”.
ڕاشیگەیاند؛ “داواکارین ئەم کەیسە لە چوارچێوەی ڕێکارە یاساییەکاندا چارەسەر بکرێت”.
دوێنێ شەو پۆلیسی ههولێر نوری گەرمیانی دهستگیركرد و بەپێی زانیارییەکان لەسەر سکاڵای هاووڵاتییەک بووە کە کێشە و دەمەقاڵێ لە نێوانیاندا دروست بووە.