عەلی رەئوف مستەفا، نوێنەری گشتی مامۆستایانی گرێبەست رایگەیاند، ئەمڕۆ وەزیری دارایی عێراق لەنێو لیژنەی دارایی پەرلەمان بووە و پێی وتوون؛ ٦٣ هەزار گرێبەستی هەرێم دەکرێن بە هەمیشەیی و ١٢ بۆ ١٤ هەزار پلەی وەزیفیش دەکاتە گرێبەست.
ئاوێنە: عەلی رەئوف لە لێدوانێکی تایبەتدا بە ئاوێنەی وت "پێش چەند ساڵ پێش ئێستا مافی خۆمان بوو دابمەزریین بەڵام لێمان زەوت کرابوو، ئەمڕۆ فالح ساری وەزیری دارایی عێراق لەناو لیژنەی دارایی پەرلەمانی بەغدا بووە پێی وتوون؛ ٤٠٠ گرێبەستی عێراق دەکرێت بە هەمیشەیی".
لەبارەی هەرێمیشەوە، ناوبراو ئاشکرایکرد "٨٦ هەزار گرێبەستمان لە هەرێم هەیە و لەسەر داهاتی ناوخۆ مووچە وەردەگرن، بەڵام ئەوە قسەی وەزیر بووە وتوویەتی؛ هەرێمی کوردستان لەو ٤٠٠ هەزارە ٦٣ هەزاری بەردەکەوێت و دەکرێن بە هەمیشەیی. تاوەکو ئێستا بڕیارەکە بەوجۆرەیە".
سەبارەت بە پلە وەزیفییەکانیش، نوێنەرەکەی مامۆستایانی گرێبەست هەواڵی خۆشی پێیە و دەڵێت "عێراق ١٥٠ هەزار پلەی وەزیفی نوێ واتە دەرچووی دانەمەزراو دەکاتە گرێبەست و لەو ژمارەیە ١٢ بۆ ١٤ هەزار دەرنەچووی هەرێم دەگرێتەوە، ئێمە تموحمان زیاتر بوو بەڵام ئەو پشکە لەئێستادا بۆ هەرێم باشە".
دەربارەی هۆکاری بڕیارەکەش، ناوبراو ئاشکرایکرد "بەهۆی ئەوەیە کە نەوتی هەرێمی کوردستان لە کەرکوکەوە دەچێت بۆ عێراق و لەبەندەری جەیهان دەفرۆشرێت، هەروەها لەسەر سیستەمی ئەسیکۆداش نزیکبوونەتەوە لە ڕێککەوتن، بەڵام هەتاوەکو هەرێم هەنگاو بەرەو پێشەوە بنێت هەواڵی دڵخۆشکەرتر زیاتر دەکات".