وه‌زاره‌تی ناوخۆی هه‌رێم ئه‌و هه‌واڵانه ره‌ده‌كاته‌وه كه باس له بونی درۆن و هێز و یه‌كه‌ی سه‌ربازیی ئۆكراینی ده‌كه‌ن له‌ناو خاكی هه‌رێمدا.
ئاوێنه: وه‌زاره‌تی ناوخۆی هه‌رێمی كوردستان، ئه‌مشه‌و پێنجشه‌ممه، له راگه‌یه‌ندراوێكدا وتی، وه‌زاره‌ته‌كه‌یان "سەرلەبەری ئەو دەنگۆ و هەواڵانە ڕەتدەکاتەوە کە لە ژمارەیەک لە دەزگاکانی ڕاگەیاندندا بڵاوکراونەتەوە، سەبارەت بە بونی درۆن یان هێز و یەکەی سەربازیی ئۆکراینی لە خاکی هەرێمداو بەتەواوی دوپاتی دەکاتەوە کە ئەم بانگەشانە لەبنەڕەتدا ناڕاست و بێ بنەمان."
وه‌زاره‌ته‌كه وتوشیه‌تی "جەخت لەسەر هەڵوێستی بنەڕەتی و نەگۆڕی هەرێمی کوردستان دەکەینەوە لە پەیڕەوکردنی سیاسەتی بێلایەنی، خۆبەدورگرتن لە ناکۆکییە هەرێمی و نێودەوڵەتییەکان و ڕەتکردنەوەی هەر هەوڵێک بۆ بەکارهێنانی خاکی هەرێم وەک پێگەیەک بۆ هەر جۆرە جوڵەیەکی سەربازی یان دوژمنکارانە دژ بە هەر وڵاتێک."
وه‌زاره‌تی ناوخۆی هه‌رێم دوپاتیشیكردۆته‌وه كه "پاراستنی ئاسایش و سەقامگیریی هەرێم لە پێشینەی کارەکانمانەو بە هیچ شێوەیەک ڕێگە بە تێوەگلان یان پەلکێشکردنی هەرێمی کوردستان بۆ ناو ئەو ململانێیانە نادرێت."